तरुणांसमोर पार्थ पवार यांनी आदर्श निर्माण केला

पार्थ पवार यांचा ताफा न्हावे गावात जात होता. अपघातग्रस्त तरुण दिसताच पार्थ पवार यांनी आपला ताफा थांबवला. जखमी तरुणाच्या पायाला आणि डोक्याला गंभीर दुखापत झाली असल्याचे लक्षात येताच त्याला धीर देण्याचा प्रयत्न केला. तात्काळ गाडी उपलब्ध करून देत त्यांनी गंभीर जखमी तरुणाला वैद्यकीय मदत मिळवून दिली.

प्रचार आणि गाठीभेटी या होतच राहतील मात्र गंभीर जखमी झालेल्या तरुणाचे प्राण वाचवणे हीच माणुसकी असल्याची चर्चा परिसरात होत आहे. निवडणूक होईपर्यंत प्रत्येक क्षण महत्वाचा असतो. मात्र लोकप्रतिनिधीच्या माणुसकीचे दर्शन अशाच काही प्रसंगातून घडत असते. भर उन्हात तडफडत असलेल्या गंभीर तरुणाला मदतीचा हात देऊन सर्वच तरुणांसमोर पार्थ पवार यांनी आदर्श निर्माण केला आहे.